Ana Jalandoni walang tigil ang pag-iyak sa harap ng press: Hindi ko deserve ‘to ipaglalaban ko ang sarili ko!

Ana Jalandoni cries during her presscon.

BUMUHOS ang luha at emosyon ni Ana Jalandoni nang humarap sa ilang members ng entertainment media sa unang pagkakataon pagkatapos umanong mabugbog ni Kit Thompson.

Hirap na hirap magsalita ang sexy actress habang sinasagot ang mga tanong tungkol sa mga nangyari sa kanila ng hunk actor noong March 18 sa isang hotel sa Tagaytay City.

Ayon sa dalaga, hanggang ngayon ay ramdam na ramdam pa rin niya ang takot at trauma na dulot ng pananakit at pananakot sa kanya ng kanyang boyfriend.

Kasama ni Ana ang kanyang tatay na si Lawrence at kapatid na si Marie Jalandoni pati na ang tatlo niyang legal counsel sa naganap na presscon.

Kinumpirma ng mga abogado ni Ana ang pagsasampa kay Kit ng kasong paglabag sa “Section 5 (a) of the Republic Act 9262 or the Anti-Violence against Women and Children Act” dahil sa pinaggagawa nito sa dalaga.

Matagal bago nakapagsalita si Ana nang tanungin kung ano ang mga maaari niyang ibahagi sa masaklap na nangyari sa kanila ni Kit habang pareho silang lasing dahil nga simula pa lang ng presscon ay iyak na ito nang iyak.

You may also like...

Leave a Reply

Your email address will not be published. Required fields are marked *