Sumagmamano a rason iti pannakapasar ti ischemic heart disease, inbinsa-binsa ni Dr. Alan Taylan

LAOAG CITY – Inbinsa-binsa ni Dr. Alan Taylan dagiti posible a rason ti pannakapasar ti ischemic heart disease.

Segun ken ni Taylan, mabalin a makapasar ti ischemic heart disease dagiti addaan ti hypertension, diabetic ken obese.

Immuna iti daytoy inlawlawag ni Taylan a ti ischemic heart disease ket ti panagbalin a barado dagiti pagtarayan ti dara iti puso.

Inbunannag na a kangrunaan a makaigapo iti daytoy ket ti sobra a pannangan ti nalanit  ken nasam-t pakairamanan ti stress.

Mainaig iti daytoy, kuna ni Taylan nga iti panagbaliw ti panawen ket umub-ubing dagiti makapaspasar iti nasao a sakit.– ADVERTISEMENT —

Gapu iti daytoy, nagpalagip a masapol a maaddaan ti dieta ken ag-ehersisyo tapno maliklikan ti sakit.

Maipalagip a basar iti Philippine Heart Association ti kangrunaan a rason ti pannakatay dagiti tattao idi tawen 2020 ken 2021 ket ischemic heart disease malaksid iti COVID-19.

Umabot iti 18.7% ti kabuklan a bilang dagiti natay iti Pilipinas idi umuna a paset ti 2021.

You may also like...

Leave a Reply

Your email address will not be published. Required fields are marked *